ब्रेन्टफोर्डमाथि लेस्टरको जित

काठमाडौं । इंग्लिस प्रिमियर लिग फुटबलमा लेस्टर सिटीले जित निकालेको छ ।

आइतबार भएको खेलमा लेस्टरले नवप्रवेशी क्लब ब्रेन्टफोर्डलाई २-१ गोल अन्तरले पराजित गरेको हो ।

ब्रेन्टफोर्डको मैदानमा खेलको १४ औं मिनेटमा युरी टिलेमान्सले गोल गर्दै लेस्टरलाई सुरुआती अग्रता दिलाएका थिए ।

तर, खेलको ६० औं मिनेटमा माथियस जोर्गेनसनले गोल गर्दै ब्रेन्टफोर्डलाई १-१ गोलको बराबरीमा ल्याए ।

त्यसपछि खेलको ७३ औं मिनेटमा जेम्स म्याडिसनले गोल गर्दै लेस्टरलाई २-१ को जित दिलाए ।

जितसँगै लेस्टरले ९ खेलमा १४ अंक जोडेको छ ।

लेस्टर लिगको नवौं स्थानमा रहेको छ ।

ब्रेन्टफोर्ड १२ अंक जोडेर १२ औं स्थानमा रहेको छ ।