वाट्फोर्डसँग एभर्टन पराजित
काठमाडौं । इंग्लिस प्रिमियर लिग फुटबलमा वाट्फोर्डले एभर्टनलाई पराजित गरेको छ ।
शनिबार राति भएको खेलमा वाट्फोर्डले एभर्टनलाई ५-२ गोल अन्तरले पराजित गरेको हो ।
एभर्टनको मैदानमा सुरुवाती अग्रता घरेलु टोलीले लिएको थियो ।
तर, जोसुवा किङले ह्याट्रिक पूरा गरेपछि वाट्फोर्डले सानदार जित निकालेको हो ।
खेलको तेस्रो मिनेटमा टम डाभिसले गोल गर्दै एभर्टनलाई अग्रता दिलाएका थिए।
१३ औं मिनेटमा जोसुवाले गोल गर्दै वाट्फोर्डलाई १-१ गोलको बराबरीमा ल्याए ।
खेलको ६३ औं मिनेटमा रिचार्लिसनले गोल गर्दै एभर्टनलाई २-१ को अग्रता दिलाए ।
७८ औं मिनेटमा जुराज कुकाले गोल गर्दै वाट्फोर्डलाई २-२ को स्थितिमा ल्याए।
खेलको ८० औं मिनेटमा जोसुवाले व्यक्तिगत दोस्रो गोल गर्दै वाट्फोर्डलाई ३-२ को अग्रता दिलाए ।
८६ औं मिनेटमा जोसुवाले ह्याट्रिक पूरा गरेपछि वाट्फोर्डले ४-२ को अग्रता बनायो ।
त्यसपछि खेलको इन्जुरी समयमा इमानुएलले गोल गर्दै वाट्फोर्डलाई ५-२ को जित दिलाए ।
जितसँगै १४ औं स्थानको वाट्फोर्डले १० अंक जोडेको छ ।
आठौं स्थानको एभर्टनले १४ अंक जोडेको छ ।
अर्को खेलमा साउथह्याम्पटन र बर्नलीले २-२ गोलको बराबरी खेलेको छ ।
त्यस्तै लिड्स र उल्भ्स तथा क्रिस्टल प्यालेस र न्युकासलले १-१ गोलको बराबरी खेलेका छन् ।
