सिटीको सहज जित

काठमाडौं । इंग्लिस प्रिमियर लिग फुटबलमा म्यानचेस्टर सिटीले सहज जित निकालेको छ ।

शनिबार राति भएको खेलमा सिटीले बर्नलीलाई २-० गोल अन्तरले पराजित गरेको हो ।

सिटीको जितमा बर्नार्डो सिल्भा र केभिन डी ब्रुएनले एक एक गोल गरे ।

खेलको १२ औं मिनेटमा सिल्भाले गोल गर्दै सिटीलाई सुरुआती अग्रता दिलाएका थिए ।

त्यसपछि खेलको ७१ औं मिनेटमा ब्रुएनले गोल गर्दै सिटीलाई २-० को जित दिलाए ।

जितसँगै सिटी लिगको दोस्रो स्थानमा उक्लिएको छ ।

सिटीले ८ खेलमा १७ अंक जोडेको छ ।

बर्नली ३ अंक जोडेर १९ औं स्थानमा रहेको छ ।