पेड्री सम्झौता थप गर्न सहमत

काठमाडौं । स्पेनिस क्लब बार्सिलोनाका युवा स्टार पेड्री सम्झौता थप सहमत भएका छन् ।

बार्सिलोनासँग २०२६ सम्म सम्झौता थप गर्न पेड्री सहमत भएका हुन् ।

बार्सिलोनाले औपचारिक रुपमा पेड्रीको सम्झौता नवीकरणबारे जानकारी दिएको छैन ।

तर, बार्सिलोनाले शुक्रबार पेड्रीसँगको नयाँ सम्झौता सार्वजनिक गर्ने बताईएको छ ।

बार्सिलोनाले पेड्रीको रिलिज क्लउज ६ सय मिलियन युरो राख्ने गोल डटकमले जनाएको छ ।

१८ वर्षीय स्पेनिस स्टार क्याटलान क्लबमा खुशी रहेको बताईएको छ ।

मिडफिल्डर पेड्री लास पालमसबाट २०२० मा बार्सिलोना आएका थिए ।

पछिल्लो समय पेड्री बार्सिलोनाका मुख्य खेलाडीको रुपमा रहदै आएका छन् ।

उनले ३९ ला लिगा खेलमा ३ गोल गरिसकेका छन् ।

पेड्रीले स्पेनका लागि १० खेल खेलिसकेका छन् ।