नेपालको सुरुआती-११ को घोषणा

काठमाडौं । साफ च्याम्पियनसिप फुटबल अन्तर्गत बंगलादेशविरुद्धको खेलका लागि नेपालको सुरुआती-११ घोषणा भएको छ ।

मुख्य प्रशिक्षक अब्दुल्लाह अल्मुताइरीले किरण चेम्जोङको कप्तानीमा सुरुआती-११ को घोषणा गरेको हो ।

नेपाल र बंगलादेशबीचको खेल दिउँसो ४:४५ बजे सुरु हुनेछ ।

नेपालले अन्तिम लिग खेलमा बंगलादेशसँग खेल्न लागेको हो ।

बंगलादेशविरुद्ध मैदान उत्रदा नेपाल ऐतिहासिक उपलब्धि प्राप्त गर्ने लक्ष्यमा हुनेछ । नेपालले अहिलेसम्म साफ च्याम्पियनसिपको फाइनल यात्रा तय गर्न सकेको छैन ।

तर, बंगलादेशविरुद्ध बराबरी वा जितको नतिजाले नेपाल पहिलो पटक साफको फाइनल पुग्नेछ । साफमा सेमिफाइनलसम्मको यात्रा नेपालको ठूलो उपलब्धि हो ।

बंगलादेशविरुद्धको खेलका लागि तीन खेलाडी परिवर्तन गरिएको छ ।  

भारतविरुद्ध सुरुआती-११ मा रहेका मनिष डाँगी, सुमन अर्याल, सुमन लामा टिममा छैनन् ।

अन्जन विष्ट, आयुष घलान र नवयुग श्रेष्ठले सुरुआती-११ मा स्थान बनाएका छन् । 

नेपाली टिम - 

गोलकिपर- किरण चेम्जोङ

डिफेन्डर - अनन्त तामाङ, गौतम श्रेष्ठ, दिनेश राजवंशी, सुजल श्रेष्ठ

मिडफिल्डर - पुजन उपरकोटी, तेज तामाङ, रोहित चन्द

फरवार्ड - अन्जन विष्ट, आयुष घलान, नवयुग श्रेष्ठ