एमपीएल क्रिकेट कात्तिक ८ बाट

काठमाडौं । दोस्रो संस्करणको मालिकार्जुन प्रिमियर लिग (एमपीएल) क्रिकेट प्रतियोगिता कात्तिक ८ गतेबाट सुरु हुने भएको छ ।

दिपेन्द्र धामी स्मृति प्रतिष्ठानको आयोजनामा हुने प्रतियोगिता कात्तिक ८ देखि कात्तिक १७ गतेसम्म संचालन हुनेछ ।

सकार क्रिकेट मैदान दार्चुलामा हुने प्रतियोगिताको विजेताले १ लाख ५१ हजार १ सय ५१ रुपैंयाँ प्राप्त गर्ने छन् ।

यस्तै उपविजेता टोलीले ५५ हजार ५ सय ५५ रुपैंयाँ पाउने छन् ।

प्रतियोगिताको उत्कृष्ट खेलाडीले ७ हजार ५ सय प्राप्त गर्दा इमर्जिङ खेलाडी, उत्कृष्ट बलर र ब्याट्सम्यानले ३ हजार ५ सय पाउने छन्  ।

अघिल्लो संस्करणको उपाधि महाकाली नगरपालिका वडा नम्बर १ छापरीले जितेको थियो ।