काठमाडौं । स्पेनिस क्लब बार्सिलोनाले आर्थिक वर्ष सन् २०२०/२१ मा ४ सय ९ मिलियन पाउण्ड घाटा व्यहोरेको छ ।
कोरोना भाइरसको महामारीका कारण क्लबले उक्त घाटा भोग्नु परेको क्लबले जनाएको छ ।
यस्तै क्लबको आम्दानीमा २६ प्रतिशतले गिरावट आएको छ ।
गत अगष्टमै बार्सिलोनाका अध्यक्ष जोआन लापोर्टाले क्लब १ दशमलब १५ विलियन पाउण्ड ऋणमा रहेको बताएका थिए ।
क्लबले जनाए अनुसार कोरोना भाइरसको प्रभाव १ सय ५४ मिलियन पाउण्ड रहेको छ जसमा दुईवटै स्टेडियम तथा क्लबका अन्य सुविधाहरुलाई खोल्न नसक्नु हो ।
क्लब संचालन खर्च १९ प्रतिशतले बढेर ९ सय ६७ मिलियन पाउण्ड पुगेको थियो जुन क्लबका लागि अहिलेसम्मकै उच्च हो ।
जबकी खेलाडी ट्रान्सफर आम्दानी ७८ मिलियन पाउण्डबाट घटेर ४८ मिलियन पाउण्डमा झरेको थियो ।
