बायर्नको पहिलो हार

काठमाडौं । जर्मन बुन्डेसलिगा फुटबलमा बायर्न म्युनिखले हार व्यहोरेको छ ।

आइतबार राति भएको खेलमा बायर्न फ्रान्कफर्टसँग २-१ गोल अन्तरले पराजित भएको हो ।

बायर्न घरेलु मैदानमै पराजित भएको हो । बायर्नको यो सिजनको पहिलो हार समेत हो ।

खेलको २९ औं मिनेटमा लियोन गोरेटज्काले गोल गर्दै बायर्नलाई अग्रता दिलाएका थिए ।

तर, ३२ औं मिनेटमा मार्टिनले गोल गर्दै फ्रान्कफर्टलाई १-१ गोलको बराबरीमा ल्याए ।

त्यसपछि खेलको ८३ औं मिनेटमा फिलिप कोस्टिकले गोल गर्दै फ्रान्कफर्टलाई २-१ को जित दिलाए ।

यस जितसँगै १३ औं स्थानको फ्रान्कफर्टले ७ खेलमा ८ अंक जोडेको छ ।

बायर्न १६ अंक जोडेर शीर्ष स्थानमा यथावत रहेको छ ।