इलाममा मिनी म्याराथन हुने

इलाम । इलाममा आगामी असोज २६ गते मिनी म्याराथन हुने भएको छ ।

इलाम नगरपालिका नगर खेलकुद विकास प्रतिष्ठानको आयोजनामा बडा दशैको अवसरमा फुलपातीको दिन १२ किलोमिटर दौड आयोजना गर्न लागिएको हो ।

इलाम नगरपालिका–३ पुवाखोलाबाट इलाम बजारसम्म म्याराथन दौड हुने प्रतिष्ठानका अध्यक्ष विनोद श्रेष्ठले बताए ।

खुल्ला रुपमा सहभागिता हुने प्रतियोगिताको बिजेताले नगद २० हजार रुपैया प्राप्त गर्नेछ ।

दोश्रो हुनेले १५ हजार, तेश्रोले १० हजार चौथो तथा सान्तवनाले ५ हजार तथा पाँचौ देखि दशौ स्थानसम्म आउनेलाई प्रोत्साहन स्वरुप २ हजार रुपैया प्रदान गरिने भएको छ ।