मालिंगाद्वारा क्रिकेटबाट सन्यास

एजेन्सी । श्रीलंकाका भेट्रान बलर लासिथ मालिंगाले सबै खाले क्रिकेटबाट सन्यास घोषणा गरेका छन् ।

मालिंगाले मंगलबार सामाजिक संजालबाट सबै खाले क्रिकेटबाट सन्यास घोषणा गरेका हुन्।

मालिंगा श्रीलंकाका विश्वकप विजेता खेलाडी तथा पूर्व कप्तान हुन् ।

मालिंगाको कप्तानीमा श्रीलंकाले २०१४ मा टी-ट्वान्टी विश्वकप जितेको थियो। 

३८ वर्षीय मालिंगाले श्रीलंकाका लागि ३० टेस्ट, २ सय २६ एकदिवसीय र ८४ टी-ट्वान्टी अन्तराष्ट्रिय खेलेका छन् ।

मालिंगाले अन्तिम पटक श्रीलंकाका लागि २०२० को मार्चमा वेस्ट इन्डिजविरुद्धको टी-ट्वान्टी खेलेका थिए ।

उनले २०१९ मा एकदिवसीय अन्तराष्ट्रिय क्रिकेटबाट सन्यास लिएका थिए ।

श्रीलंकाका लागि उनले टेस्टमा १ सय १, एकदिवसीयमा ३ सय ३८ र टी-ट्वान्टीमा १ सय ७ विकेट लिएका छन्।