नेपालको पहिलो विकेट पतन, बिनोद आउट

काठमाडौं । आईसीसी विश्व टी ट्वान्टी एसिया छनोट समुह बी अन्तर्गत थाईल्याण्डविरुद्धको तेस्रो खेलमा नेपालले टस हारेर पहिले ब्याटिङ गरिरहेको छ ।

क्वालालम्पुस्थित बायुवास ओभलमा नेपालले पहिलो विकेट गुमाएको छ । नेपालले पहिलो विकेटको रुपमा ओपनर बिनोद भण्डारीलाई १५ रनमा गुमाएको हो ।

नेपालले ३ ओभर सकिदा १ विकेट गुमाएर ३३ रन जोडेको छ ।

नेपाल आज थाइल्याण्डलाई हराएर तेस्रो जितको खोजीमा हुनेछ ।

थाइल्याण्ड नेपालको लागि नौलो प्रतिद्वन्द्वी समेत हो । महिला र उमेर समूहमा नेपालले थाइल्याण्डसंग प्रतिस्पर्धा गरिसकेको छ । तर, पुरुष टोलीले भने दोस्रो पटक खेल्न लागेका हुन् ।

यसअघि सन् १९९८ को एसीसी ट्रफीमा नेपाल र थाइल्याण्डबीचको खेल तय भएको थियो । तर, वर्षाको कारण उक्त खेल टस समेत नभई स्थगित भएको थियो ।

जारी छनोटमा थाइल्याण्ड शीर्ष स्थानमा रहेको छ । थाइल्याण्डले ३ खेलबाट ५ अंक जोडेको छ । २ खेलबाट नेपालले ४ अंक जोडेको छ । नेपाल तेस्रो स्थानमा छ । २ खेलबाट ४ अंक जोडेको सिंगापुर दोस्रो स्थानमा छ ।