फ्रान्सका पूर्व डिफेन्डर एडम्सको निधन

काठमाडौं । फ्रान्सका पूर्व डिफेन्डर जिन पिएरे एडम्सको निधन भएको छ ।

सेन्टर ब्याक एडम्सको ७३ वर्षको उमेरमा निधन भएको हो ।

एडम्स ३९ वर्ष यता 'कोमा' मा रहेका थिए ।

सन् १९८२ को मार्चमा उनको घुँडाको शल्यक्रिया गरिएको थियो । त्यसपछि उनको चेतना फिरेको थिएन ।

सेनेगलमा जन्मिएका एडम्सले फ्रान्सका लागि २२ खेल खेलेका थिए ।

यसरी फ्रेन्च क्लब निसका लागि १ सय ४० भन्दा बढी खेल खेलेका थिए ।

एडम्सले पेरिस सेन्ट जर्मेन (पीएसजी) बाट समेत खेलेका थिए ।