पोल्याण्डको फराकिलो जित

काठमाडौं। फिफा विश्वकप छनोट अन्तर्गत युरोपियन छनोटमा पोल्याण्डले फराकिलो जित निकालेको छ ।

आइतबार राति भएको खेलमा पोल्याण्डले सान मारिनोलाई ७-१ गोल अन्तरले पराजित गरेको हो ।

पोल्याण्डको फराकिलो जितमा एडम बुक्साले ह्याट्रिक गरे ।

यस्तै रोबर्ट लेवान्डोस्कीले दुई गोल गरे । कारोल स्विडेरस्की र कारोल लिनेट्टीले एक एक गोल गरे ।

सान मारिनोका निकोला नानीले एक गोल फर्काए ।

यस जितसँगै समूह आई को पोल्याण्डले ५ खेलमा १० अंक जोडेको छ ।

पोल्याण्ड समूहको दोस्रो स्थानमा रहेको छ ।

पुछारमा रहेको सान मारिनोले अंक जोड्न सकेको छैन ।