भारत ७८ रनमा अलआउट

काठमाडौं । घरेलु टिम इंग्ल्यान्डविरुद्धको तेस्रो टेस्टको पहिलो इनिङ्समा भारत ७८ रन जोड्दा अलआउट भएको छ ।

लिड्समा बुधबार टस जितेर पहिले ब्याटिङ गरेको भारत ७८ रनमा अलआउट भएको हो ।

इंग्लिस बलर चम्किएको इनिङ्समा भारतका रोहित शर्माले सर्वाधिक १९ रन बनाए । अन्जिके रहाने १८ रनमा आउट भए । अन्य ब्याट्सम्यानले दोहोरो अंक जोड्न सकेनन् ।

इंग्ल्यान्डका जेम्स एण्डरसन र क्रेग ओभरटनले ३/३ विकेट लिए । साम कुरान र ओली रोबिन्सनले २/२ विकेट लिए ।

भारतलाई सस्तैमा समेटेर पहिलो इनिङ्स थालेको इंग्ल्यान्डले बिना विकेटको क्षतिमा १ सय २० रन जोडेको छ ।

पहिलो दिनको खेल सकिदा इंग्ल्यान्डले ४२ रनको अग्रता बनाएको छ ।

इंग्ल्यान्डका हासिब हामिद ६० रनमा अविजित रहेका छन् । रोरी बुर्न्स ५२ रनमा अविजित छन् ।

पाँच खेलको सिरिजमा भारत १-० ले अघि रहेको छ ।

वर्षाको कारण पहिलो टेस्ट बराबरीमा सकिएको थियो ।

दोस्रो टेस्टमा भारतले १ सय ५१ रनको जित निकालेको थियो ।