पाकिस्तान र अफगानिस्तानबीचको सिरिज स्थगित

काठमाडौं । पाकिस्तान र अफगानिस्तानबीचको एकदिवसीय क्रिकेट सिरिज अनिश्चितकालका लागि स्थगित भएको छ ।

अफगानिस्तानको आग्रहपछि सिरिज स्थगित गरिएको पाकिस्तान क्रिकेट बोर्डले जनाएको छ ।

तालिबानले अफगानिस्तान कब्जा गरेपछि उत्पन्न समस्याको कारण सिरिज स्थगित गरिएको बुझिएको छ ।

दुई टिमबीचको तीन खेलको एकदिवसीय सिरिज पाकिस्तानमा हुने तय थियो ।

श्रीलंकामा खेल्ने तय भएपनि सिरिज पाकिस्तानमा सारिएको थियो ।

सिरिज सेप्टेम्बर ३ बाट सुरु हुने तालिका रहेको थियो ।