प्याट्रिकले छाडे क्रिस्टल

एजेन्सी । नेदरल्यान्ड्सका डिफेन्डर प्याट्रिक भानले इंग्लिस क्लब क्रिस्टल प्यालेस छाडेका छन् ।

क्रिस्टलसँगको सम्झौता अन्त्य गर्दै प्याट्रिक टर्किस क्लबमा अनुबन्धित भएका छन् ।

प्याट्रिकले टर्किस क्लब गलातासारेसँग तीन वर्षको सम्झौता गरेका छन् ।

उनी २०२४ को जुन ३० सम्म टर्किस क्लबमा रहने छन् ।

३० वर्षीय डच डिफेन्डर २०१७ मा क्रिस्टल आएका थिए ।

क्रिस्टलका लागि उनले १ सय ३४ खेल खेलेका छन् ।

चेल्सीका पूर्व खेलाडी रहेका प्याट्रिकले युरोकप २०२० मा ४ खेल खेलेका थिए ।