काठमाडौं । ‘रोयल्स रोय’ गाडिको शान नै बेग्लै । राफेल भरानेले रियल मड्रिडबाट म्यानचेस्टर युनाइटेड स्थानान्तरण प्राप्त गरेपछि यी डिफेन्डरलाई ‘रोयल्स रोय’ कै रूपमा ब्याख्या गरिएको छ ।
त्यसको अर्थ हो, यी खेलाडी शानदार छन् नै, टिकाउ पनि छन् । उनीमाथि पूर्ण विश्वास गर्न सकिन्छ, यी कहीकतै बीचमै टुट्ने छैनन् ।
व्यवस्थापक ओले गन सोल्सार अहिले युनाईटेडको टिम पुर्ननिर्माण गर्ने प्रयासमा छन् र भराने त्यसको महत्त्वपूर्ण अंग हुने निश्चित छ ।
गत सिजन म्यानचेस्टर सिटीले इंग्लिस प्रिमियर लिग जित्दा उसको छिमेकी युनाईटेड १२ अंकले पछाडि परेको थियो । यो १३ पल्टको प्रिमियर लिग उपाधि विजेताका लागि ठूलै धक्का थियो ।
उसले महसुस गरेको थियो, यत्तिको अन्तर ठीक थिएन् । अनि यसले दुई टिमबीचको स्तरमा अन्तर पनि देखाउँछ । सर एलेक्स फर्गुसन बारम्बार भन्ने गर्थे, ‘आक्रमणबाट खेल जितिन्छ, रक्षापंक्तिले लिग जिताउने गर्छ ।’
अहिलेसम्म प्रिमियर लिगको इतिहास पल्टाउने हो भने यो ध्रुव सत्य जस्तै छ । जति पनि टिमले लिग उपाधि जितेका छन्, तिनलाई त्यहाँसम्म पुर्याउने काम ठोस रक्षापंक्तिले नै गरेको त हो ।
पछिल्ला दुई सिजन सिटी र लिभरपुलको लिग उपाधि यात्रा वास्तवमै डिफेन्समै टिकेको थियो । सोल्सार के मान्छन् भने भराने आएपछि युनाईटेडको डिफेन्स पक्कै पनि मबजुत हुनेछ ।
तीव्र गतिमा खेल्न माहिर २८ वर्षीय भरानेले अब कप्तान ह्यारी म्यागुएरसँग मिलेर युनाईटेडको सेन्ट्रल डिफेन्स सम्हाल्ने छन् ।
–बीबीसीको सहयोगमा ।
