डच फरवार्ड मालेन डर्टमण्डमा अनुबन्धित

एजेन्सी । जर्मन क्लब बोरुसिया डर्टमण्डले युवा फरवार्ड डोनीएल मालेनलाई अनुबन्धित गरेको छ ।

डर्टमण्डले मंगलबार नेदरल्यान्ड्सका फरवार्डलाई अनुबन्धित गरिएको जनाएको छ ।

डच क्लब पीएसभीबाट डर्टमण्डले मालेनलाई अनुबन्धित गरेको हो ।

२२ वर्षीय फरवार्ड मालेनले डर्टमण्डसँग पाँच वर्षको सम्झौता गरेका छन् ।

मालेन २०२६ सम्म डर्टमण्डमा रहने छन् ।

मालेनले पीएसभीका लागि १ सय १६ खेलमा ५५ गोल गरेका छन् । जसमा २४ असिस्ट रहेको छ ।

नेदरल्यान्ड्सका लागि उनले १३ खेलमा २ गोल गरेका छन् ।