राफायल भरान युनाईटेडमा

एजेन्सी । इंग्लिस क्लब म्यानचेस्टर युनाईटेडले फ्रेन्च डिफेन्डर राफायल भरानलाई अनुबन्ध गर्ने पक्का भएको छ ।

युनाईटेडले मंगलबार एक विज्ञप्ति निकाल्दै भरानको स्थानन्तरणका लागि रियल मड्रिडसँग सम्झौता भएको जनाएको छ ।

युनाईटेडले मेडिकलपछि केहि दिनमा भरानसँग औपचारिक सम्झौता हुने जनाएको छ ।

विंगर जाडोन सान्चो अनुबन्ध गरिसकेको युनाईटेडले भरान अनुबन्धको लागि प्रयास गरिरहेको थियो ।

स्पेनिस क्लब रियलका डिफेन्डर भरान फ्रान्सको विश्वकप विजेता टोलीका सदस्य हुन् ।

फ्रान्सले २०१८ मा विश्वकपको उपाधि जित्दा उनी टिमका महत्वपूर्ण खेलाडी थिए ।

२८ वर्षीय भरान १० वर्ष रियलमा बिताएर इंग्लिस क्लबमा आबद्द भएका हुन् ।

सेन्टर ब्याक भरान २०११ मा लेन्सबाट रियल आएका थिए ।

रियलका लागि उनले ३ सय ६० खेल खेल्दै १७ गोल गरेका छन् ।

रियलका लागि उनले १८ उपाधि जितेका छन् ।