मानबहादुर र बिक्रम सातदोबाटोमा अनुबन्ध

काठमाडौं । सातदोबाटो युथ क्लबले मानबहादुर तामाङ र दिपक राज सिंह ठकुरी ‘बिक्रम’लाई अनुबन्ध गरेको छ ।

सातदोबाटोले यस वर्षको लिगका लागि हिमालयन शेर्पाका कप्तान मानबहादुर र सुदुरपश्चिम ११ का फरवार्ड बिक्रमलाई अनुबन्ध गरेको हो ।

सातदोबाटो यसै सिजन ए डिभिजनमा बढुवा भएको क्लब हो ।

शेर्पामा लामो समय कप्तान बनेका मानबहादुरले नयाँ सिजन सातदोबाटो रोजेका हुन् । शेर्पा क्लब एन्फा अध्यक्ष कर्माछिरिङ शेर्पाको क्लब हो । अध्यक्ष शेर्पा र क्लबका पूर्व म्यानेजर नविन पाँडेबीचको सम्बन्धमा दरार आएपछि मानबहादुरले क्लब छाडेको अनुमान गरिएको छ । मानबहादुर पाँडे नजिक मानिन्छन् ।

अर्का खेलाडी बिक्रम मोफसलका उत्कृष्ट फरवार्ड मानिन्छन् । पछिल्लो खप्तड गोल्डकपमा आयोजक सुदुर पश्चिम ११ टिमलाई च्याम्पियन बनाउन बिक्रमले प्रेरणादायी प्रर्दशन गरेका थिए । बिक्रमको जादुमयी खेल र गोलका कारण फाईनलमा खेलमा थ्री स्टार पराजित बनेको थियो । बिक्रमले यस वर्षको ए डिभिजन लिगका लागि सातदोबाटो रोजेका छन् ।

यसै सिजन ए डिभिजनमा बढुवा भएको सातदोबाटोले खेलाडी सरुवा बजारमा आक्रमक ब्यापार गरिरहेको छ ।

सातादोबाटोको टिम :

पिटर सेगुन

मार्टिन

अभिषेक बराल

सनम राइ

पासाङ लामा

बसन्त तामाङ

करण राउत

स्यान्सु भुषाल

आकाश बुढा मगर

सञ्जन पुन