युरोको फाइनलमा हिंसा फैल्याउनेको तस्बिर सार्वजनिक

एजेन्सी । लण्डन प्रहरीले युरोकप फुटबलको फाइनल अघि वेम्बली स्टेडियममा हिंसा र अराजकता फैल्याउने १० जनाको तस्बिर सार्वजनिक गरेको छ ।

प्रहरीले वेम्बली स्टेडियममा हिंसा फैल्याउनेको पहिचान गदै १० जनाको तस्बिर सार्वजनिक गरेको हो । प्रहरीले तस्बिर सार्वजनिक गर्दै ती व्यक्ति भेटिएमा प्रहरीलाई खबर गर्न अनुरोध समेत गरेको छ ।

युरोकपको फाइनल अघि टिकट विहीन दर्शकहरु वेम्बली पुगेर हुलदंगा गरेका थिए । त्यस हुलदंगामा प्रहरीले ८६ जनालाई पक्राउ गरेको थियो । जहाँ १९ प्रहरी घाइते भएका थिए ।

फाइनलमा इंग्ल्यान्डलाई पेनाल्टी सुटआउटमा पराजित गर्दै इटालीले उपाधि जितेको थियो ।

दर्शकहरुको कारण यूईएफएले इंग्ल्यान्ड एफएलाई जरिवाना समेत गरेको छ ।