पोखरा म्याराथन र स्पोर्ट्स अवार्डलाई महानगरको बजेट 

पोखरा । पोखरा महानगरपालिकाले मोफसलकै चर्चित आहा रारा गोल्डकप, पोखरा म्याराथनर पोखरा स्पोर्ट्स अवार्डलाई बजेट विनियोजन गरेको छ ।

महानगरपालिकाले आगामी आर्थिक वर्ष २०७८-०७९ को लागि बजेट सार्वजनिक गर्दै आहा रारा गोल्डकप, पोखरा म्याराथनर पोखरा स्पोर्ट्स अवार्डलाई बजेट विनियोजन गरेको हो ।

भूतपूर्व खेलाडी मञ्चले आयोजना गदै आएको पोखरा म्याराथनलाई सहरको खेल क्षेत्रको महत्वपूर्ण वार्षिक गतिविधिको रुपमा विकास गर्ने हाम्रो प्रतिबद्धता रहेको बताउदै १० लाख रुपैयाँ विनियोजन गरेको छ ।

त्यस्तै नेपाल खेलकुद पत्रकार मञ्च गण्डकीले आयोजना गर्दै आएको पोखरा स्पोर्टस अवार्डलाई ३ लाख रुपैयाँ विनियोजन गरिएको छ ।

पोखराको प्रतिष्ठित आहा रारा गोल्डकप फुटबल प्रतियोगिताका लागि विगतको सहयोग कायम राख्ने उल्लेख बजेट भाषणमा गरिएको छ ।

बजेट भाषणमा बजेट उल्लेख नगरिएपनि गत वर्षकै रकम २ लाख रुपैयाँ व्यवस्था गरिएको छ ।