फिकायो मिलानको स्थायी खेलाडी

एजेन्सी । प्रिमियर लिग क्लब चेल्सीका डिफेन्डर फिकायो टोमोरी इटालियन क्लब एसी मिलानमा अनुबन्धित भएका छन् ।

सिरी 'ए' क्लब मिलानले डिफेन्डर फिकायोलाई स्थायी खेलाडीको रुपमा अनुबन्ध गरेको हो ।

मिलानले बिहीबार डिफेन्डर फिकायो स्थायी रुपमा क्लबका अनुबन्धित भएको जनाएको छ ।

फिकायो सन् २०२५ को जुन ३० सम्म मिलानमा रहने छन् ।

इंग्ल्यान्डका डिफेन्डर फिकायो गत सिजन लोनमा मिलान आएका थिए ।

क्लब आएको सिजन उत्कृष्ट प्रदर्शन गरेपछि मिलानले उनलाई स्थायी रुपमा अनुबन्ध गरेको हो । गत सिजन उनले १७ सिरी ए खेलमा १ गोल गरेका थिए ।

२४ वर्षीय डिफेन्डर चेल्सीको प्लेईङमा पर्न असफल भएपछि उनी इटाली लागेका हुन् ।

चेल्सीको एकेडेमीमा हुर्किएका फिकायो अधिकांस सिजन लोनमा खेलेका छन् ।

इंग्ल्यान्डका लागि उनले १ खेल खेलेका छन् ।