सिंगापुर ग्राण्ड प्रिक्स रद्द

एजेन्सी । सिंगापुरमा आयोजना हुने फर्मुला वानको प्रतियोगिता सिंगापुर ग्राण्ड प्रिक्स रद्द भएको छ ।

कोरोना भाईरसको महामारीको कारण यस वर्षको सिंगापुर ग्राण्ड प्रिक्स रद्द भएको छ ।

प्रतियोगिता अक्टोबर ३ मा हुने तालिका रहेको थियो । तर, कोरोनाको कारण प्रतियोगिता रद्द गरिएको सिंगापुर जीपीका उपाध्यक्ष कोलिनले बताए ।

सिंगापुरको प्रतियोगिता स्थगित भएपछि फर्मुला वानले सिंगापुर ग्राण्ड प्रिक्सको स्थानमा अर्को एक ग्राण्ड प्रिक्सको आयोजना गर्ने तयारी गरेको छ ।

फर्मुला वानले कोरोनाको कारण २०२१ मा कुल ९ प्रतियोगिता गर्ने तालिका निकालेको थियो ।