सिटी उपाधि नजिक

एजेन्सी । म्यानचेस्टर सिटी इंग्लिस प्रिमियर लिग फुटबलको उपाधि नजिक पुगेको छ ।

शनिबार भएको खेलमा क्रिस्टल प्यालेसलाई २-० गोल अन्तरले पराजित गर्दै सिटी उपाधि नजिक पुगेको हो ।

क्रिस्टलको मैदानमा सिटीलाई जित दिलाउन सर्जियो अग्युरो र फरान टोरेसले एक एक गोल गरे ।

पहिलो हाफ गोलरहित बराबरीमा सकिएको खेलमा सिटीले दोस्रो हाफको तीन मिनेटभित्र २ गोल गरेको थियो ।

खेलको ५७ औं मिनेटमा अग्युरोले गोल गर्दै सिटीलाई १-० को अग्रता दिलाए ।

त्यसपछि खेलको ५९ औं मिनेटमा टोरेसले गोल गर्दै सिटीलाई २-० को जित दिलाए ।

जितसँगै सिटीले ३४ खेलमा ८० अंक जोडेको छ । सिटी दोस्रो स्थानको म्यानचेस्टर युनाईटेड भन्दा १३ अंकले अघि रहेको छ ।

युनाईटेडको ६७ अंक रहेको छ ।

अब आइतबार युनाईटेड लिभरपुलसँग पराजित भएमा सिटीले उपाधि जित्नेछ ।

क्रिस्टल ३८ अंक जोडेर १३ औं स्थानमा रहेको छ ।