पहिलो हाफमा बुटवल र विराटनगरको बराबरी

काठमाडौं । पहिलो संस्करणको नेपाल सुपर लिग (एनएसएल) अन्तर्गत अहिले बुटवल लुम्बिनी एफसी र विराटनगर एफसीबीच प्रतिस्पर्धा भईरहेको छ ।

त्रिपुरेश्वरस्थित दशरथ रंगशालामा जारी खेलको पहिलो हाफ सकिदा बुटवल र विराटनगरले १-१ गोलको बराबरी खेलेका छन् ।

खेलको छैटौं मिनेटमा ओमोलाजा नुरिन करिमले गोल गर्दै बुटवललाई अग्रता दिलाएका थिए ।

तर, खेलको ४२ औं मिनेटमा पेड्रो मान्जीको गोलबाट विराटनगरले बराबरी गोल फर्काएको हो ।

बुटवल २ खेलमा ४ अंक जोडेर दोस्रो स्थानमा रहेको छ ।

पहिलो खेलमा पोखरा एफसीलाई २-० ले हराएको बुटवल दोस्रो खेलमा भने चितवनसँग बराबरीमा रोकिएको थियो ।

विराटनगर २ खेलमा ३ अंक जोडेर पाँचौ स्थानमा रहेको छ ।

पहिलो खेलमा धनगढीलाई पराजित गरेको विराटनगर दोस्रो खेलमा पोखरासँग पराजित भएको थियो ।