त्रिकोणात्मक सिरिज १४१ देशबाट लाईभ हेर्न सकिने

काठमाडौं । नेपालमा आयोजना हुने त्रिकोणात्मक टी–ट्वान्टी क्रिकेट सिरिज विश्वको १ सय ४१ देशबाट लाईभ हेर्न सकिने भएको छ ।

नेपाल क्रिकेट संघ (क्यान) ले बुधबार सिरिजको सम्पूर्ण खेलहरु विभिन्न टेलिभिजन र च्यानलको माध्यमबाट विश्वको १ सय ४१ देशबाट प्रत्यक्ष हेर्न सकिने जनाएको छ ।

नेपालमा हिमालयन टेलिभिजन र ओआरएसबाट लाईभ हेर्न सकिन्छ ।

टियु क्रिकेट मैदानमा आयोजना हुने सिरिजमा नेपाल, नेदरल्यान्ड्स र मलेसियाले खेल्ने छन् ।

नेपालले पहिलो खेलमा नेदरल्यान्ड्ससँग खेल्नेछ ।

नेपाल र नेदरल्यान्ड्सबीचको खेल बैशाख ४ गते हुनेछ । खेल दिउँसो १:१५ बजे सुरु हुनेछ ।

नेपालले दोस्रो खेलमा मलेसियासँग बैशाख ६ मा खेल्नेछ । नेपालले तेस्रो खेल नेदरल्यान्ड्ससँग बैशाख ७ मा खेल्नेछ ।

यस्तै नेपालले अन्तिम लिग खेल बैशाख ९ गते मलेसियासँग खेल्नेछ ।

डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।

फाइनल खेल बैशाख ११ गते हुनेछ ।

कुन देशबाट कसरि लाईभ हेर्ने ?