नेपाल आईपुगे नेदरल्यान्ड्स टिम

काठमाडौं । नेपालमा आयोजना हुने त्रिकोणात्मक टी–ट्वान्टी क्रिकेट सिरिजका लागि नेदरल्यान्ड्सको टिम नेपाल आईपुगेका छन् ।

टियु क्रिकेट मैदानमा आयोजना हुने टी-ट्वान्टी सिरिजका लागि नेदरल्यान्ड्सको टिम मंगलबार नेपाल आईपुगेका हुन् ।

नेदरल्यान्ड्सको टिमलाई नेपाल क्रिकेट टिम (क्यान) का पदाधिकारीले स्वागत गरेका थिए ।

सिरिजमा नेपाल, नेदरल्यान्ड्स र मलेसियाले खेल्ने छन् ।

नेदरल्यान्ड्सले सिरिजको पहिलो खेलमा नेपालसँग खेल्नेछ ।

नेपाल र नेदरल्यान्ड्सबीचको खेल बैशाख ४ गते हुनेछ । खेल दिउँसो २:१५ बजे सुरु हुनेछ ।

डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।

फाइनल खेल बैशाख ११ गते हुनेछ ।

क्यानले सिरिजको टिकट मूल्य १ सय ५० रुपैयाँ तोकेको छ ।