पन्जाबद्वारा राजस्थानलाई २ सय २२ रनको लक्ष्य

एजेन्सी । इन्डियन प्रिमियर लिग टी-ट्वान्टी क्रिकेटमा पन्जाब किङ्सले राजस्थान रोयल्सलाई जितका लागि २ सय २२ रनको लक्ष्य दिएको छ ।

मुम्बईमा टस हारेर पहिले ब्याटिङ गरेको पन्जाबले २० ओभरमा ६ विकेट गुमाएर २ सय २१ रन बनायो ।

पन्जाबको उच्च स्कोरका कप्तान लोकेश राहुल र दिपक होडाले अर्धशतकीय इनिङ्स खेले ।

राहुलले ९१ रनको अर्धशतकीय इनिङ्स खेले । होडा ६४ रनको इनिङ्स खेल्दै आउट भए ।

यस्तै क्रिस गेलले ४० रन जोड्दा मायांक अग्रवालले १४ रन बनाए । शाहरुख खान ६ रनमा अविजित रहदा रिचार्डसन र निकोलस पुरण सुन्य रनमा आउट भए ।

राजस्थानका चेतन शाकरियाले ३ विकेट लिए । क्रिस मोरिसले २ विकेट र रियान परागले एक विकेट लिए ।