हर्सल चम्क्दिा बैंगलोरलाई मध्यम लक्ष्य

काठमाडौं । १४ औं संस्करणको इन्डियन प्रिमियर लिग (आईपीएल) को पहिलो खेलमा मुम्बई इन्डियन्सले बैंगलोरलाई १ सय ६० रनको लक्ष्य प्रस्तुत गरेकाे छ ।

पहिले ब्याटिङ गरेकाे मुम्बईले निर्धारित २० ओभरमा ९ विकेट गुमाउँदै १ सय ५९ रन जोडेको हो ।

मुम्बईका क्रिस लिन अर्धशतक बनाउनबाट एक रनले चुके ।

४९ रन बनाएर खेल्ने क्रममा उनी १३ औं ओभरको पाँचौ बलमा वासिङटन सुन्दरको बलमा क्याच हुँदै पेभिलियन फर्किए ।

लिनले ३५ बलमा ४ चौका र तीन छक्का प्रहार गर्दै ४९ रनको योगदान दिएका थिए ।

त्यस्तै विकेटकिपर ब्याट्सम्यान इसान किशनले २८ रनको योगदान दिए ।

उनले १९ बलमा २ चौका र एक छक्काको मद्दतमा २८ रन जोडेका हुन् ।

कप्तान रोहित शर्माले १९ रन जोडे ।

ओपनर शर्मालाई मुम्बईले चौथो ओभरको अन्तिम बलमा रन आउटमा गुमाएको थियो ।

त्यस्तै दोस्रो विकेटेको रुपमा सुर्यकुमार यादव पेभिलियन फर्किए । ३१ रनमा खेलेका उनी केली जेमसनको बलमा एबीडी भिलियर्सकाे हातबाट क्याच आउट हुन पुगे । सुर्यकुमाले ३४ बलमा ४ चौका र एक छक्का प्रहार गरे ।

हार्दिक पाण्डेय १३ रनमा आउट हुँदा किरोन पोलार्ड र कुर्नाल पाण्डेय समान ७–७ रनमा आउट भए । मार्को जेनसन र राहुल चाहार शुन्य रनमा पेभिलियन फर्किए । जसप्रित बुम्राह १ रनमा अविजित रहे ।

बलिङतर्फ बैंगलोरका लागि हर्सल पटेलले सर्वाधिक पाँच विकेट लिए । उनले चार ओभरमा रन खर्चदै पाँच विकेट लिएका हुन् ।

त्यस्तै केली जेमसन र वासिङटन सुन्दरले एक एक विकेट लिए ।