क्यानलाई आईसीसीको अवार्ड

काठमाडौं । नेपाल क्रिकेट संघ (क्यान) ले अन्तर्राष्ट्रिय क्रिकेट काउन्सिल (आईसीसी) को डेभलपमेन्ट अवार्ड प्राप्त गरेको छ ।

नेपालले 'आईसीसी डेभलपमेन्ट इनिसियटिभ अफ दि इयर अवार्ड' प्राप्त गरेको हो ।

आईसीसीले नेपालले एसिया क्षेत्रबाट डेभलपमेन्ट अवार्ड पाएको जनाएको छ ।

कोरोना भाईरसको महामारीको दौरान पनि क्रिकेट विकासका लागि क्यानले गरेको पहल र कदमलाई उच्च मुल्यांकन गर्दै इनिसियटिभ अफ दि इयर अवार्ड प्रदान गरिएको आईसीसीले जनाएको छ ।

नेपालसहित नामिबिया, अर्जेन्टिना, भानुता र इटालीले समेत यस अवार्ड प्राप्त गरेको छ ।

क्षेत्रीय अवार्ड विजेता नेपालसहित पाँच राष्ट्र आईसीसी ग्लोबल अवार्डका लागि समेत छनोट भएका छन् ।

आईसीसीले ४ ग्लोबल अवार्ड विजेताको घोषणा भने अप्रिल २० मा घोषणा गर्ने छ ।