एपीएफद्वारा सुदूरपश्चिमलाई १ सय २८ रनको लक्ष्य

काठमाडौं । पहिलो संस्करणको ललितपुर मेयर कप महिला टी-ट्वान्टी क्रिकेट प्रतियोगितामा एपीएफ क्लबले सुदूरपश्चिम प्रदेशलाई जितका लागि १ सय २८ रनको लक्ष्य दिएको छ ।

टियु क्रिकेट मैदानमा टस जितेर पहिले ब्याटिङ गरेको एपीएफले २० ओभरमा २ विकेट गुमाएर १ सय २७ रन बनायो ।

एपीएफका लागि ज्योति पाण्डेले ५९ रनको अर्शतकीय इनिङ्स खेलिन् ।

यस्तै सरिता मगरले अविजित ३५ रन जोड्दा इन्दु बर्मा ४ रनमा अविजित रहिन् ।

कप्तान सरिता राना मगर १६ रनमा आउट भईन् ।

सुदूरपश्चिमकी कविता जोशी र सुनिता लुहारले १/१ विकेट लिईन् ।

एपीएफ र सुदूरपश्चिम लगातार दोस्रो जित निकाल्ने लक्ष्यमा रहेका छन् ।

पहिलो खेलमा दुबै टिमले जित निकालेका थिए ।

एपीएफले पहिलो खेलमा प्रदेश-१ लाई ८ विकेटले हराएको थियो ।

सुदूरपश्चिमले ललितपुर मेयर्स-११ लाई ७ विकेटले हराएको थियो ।