कोहली अप्रिल १ बाट बैंगलोरको टिममा सामेल हुने

एजेन्सी । भारतीय क्रिकेट टिमका कप्तान विराट कोहली अप्रिल १ बाट रोयल च्यालेन्जर्स बैंगलोरको प्रशिक्षणमा सामेल हुने भएका छन् ।

नयाँ सिजनको इन्डियन प्रिमियर लिग (आईपीएल) का लागि बैंगलोरले मंगलबारबाट चेन्नईमा तयारी सुरु गर्दैछ । टिमले बायो सेक्योर बबल्स भित्र रहेर तयारी गर्नेछ ।

तर, कप्तान कोहली भने प्रशिक्षण सुरु भएको दुई दिनपछि सामेल हुने छन् ।

कोहलीले कप्तानीमा भारतले आइतबार मात्रै इंग्ल्यान्डविरुद्धको एकदिवसीय सिरिज जितेको थियो । कोहली जनवरीको अन्तिमबाटै बायो सेक्योर बबल्स भित्र रहदै आएका छन् । तर, सिरिज सकिएपछि उनीहरु त्यसबाट बाहिर निस्किएका थिए ।

१४ औं संस्करणको आईपीएल अप्रिल ९ बाट सुरु हुनेछ ।

चेन्नईमा हुने उद्घाटन खेलमा मुम्बई इन्डियन्स र रोयल च्यालेन्जर्स बैंगलोर भिड्ने छन् ।

प्रतियोगिताको फाइनल खेल मे ३० मा हुनेछ ।