एजेन्सी । इंग्ल्यान्डका ब्याट्सम्यान जोस बट्लरले भारतसँग पराजित भएपनि इंग्ल्यान्ड अझै बलियो टिम भएको बताएका छन् ।
घरेलु टिम भारतविरुद्धको एकदिवसीय सिरिज गुमाएपछि बट्लरले इंग्ल्यान्ड अझै बलियो टिमको रुपमा रहेको बताएका हुन् ।
‘हामी लामो समयबाट बलियो टिमको रुपमा रहदै आएका छौँ,' उपकप्तान समेत रहेका बट्लरले भने, ‘हामीले पछिल्लो ११ सिरिजमध्ये दुई सिरिज गुमाएका छौँ । हामी अझै राम्रो टिम हौँ ।’
इंग्ल्यान्डले पछिल्लो तीन वर्षमा ५० ओभरको सिरिज गुमाएको थिएन । इंग्ल्यान्ड सन् २०१९ को विश्वकप समेत जितेको थियो ।
इंग्ल्यान्डले भारतविरुद्धको तीन खेलको सिरिज २-१ ले गुमाएको हो ।
यस्तै उनले सन् २०२३ को विश्वकपका लागि टिमले तयारी गरिरहेको समेत बताए ।
'हामी २०२३ को विश्वकपको लागि हेरिरहेका छौँ । पक्कै पनि हामी सिकिरहेका छौँ । र, त्यस समय जित्नका लागि । मलाई लाग्छ हामी राम्रो काम गरिरहेका छौँ,' उनले भने ।
-1747652309.jpeg)
