मोर्गनले भारतविरुद्धको बाँकी खेल गुमाउने

एजेन्सी । इंग्ल्यान्डका कप्तान इयान मोर्गनले भारतविरुद्धको बाँकी दुई एकदिवसीय गुमाउने भएका छन् ।

मंगलबार राति भएको पहिलो एकदिवसीयमा चोट बोकेपछि मोर्गनले बाँकी खेल गुमाउने भएका हुन् ।

मोर्गनको हातको औलामा चोट लागेको थियो ।

यस्तै साम विलिङ्सले दोस्रो खेल गुमाउने छन् । चोटकै कारण विलिङ्सले दोस्रो खेल गुमाउने भएका हुन् ।

पहिलो खेलमा भारत ६६ रनले विजयी भएको थियो ।

तीन खेलको सिरिजमा भारत १-० ले अघि रहेको छ ।

इंग्ल्यान्ड र भारतबीचको दोस्रो खेल आज शुक्रबार हुनेछ ।