नेपालगन्ज । एन्फा प्रेसिडेन्ट लिग फुटबलमा सोमबार सैनिक युथ क्लब झापाले घरेलु टोली धम्बोझी क्लब बाँकेलाई ३–२ ले पराजित गरेको छ ।
सैनिकको जितमा सुनिल खड्का, सुशिल लामा र जीवन गुरुङले एक एक गोल गरे । धम्बोझीका पुर्ण गुरुङ र बिसन गुरुङले एक एक गोल गरे ।
खेलमा सैनिक युथका जीवन गुरुङ म्यान अफ द म्याच घोषित भए ।
अर्को खेलमा स्टार सिटी युथ क्लब कैलाली र धादिङ समाज धादिङले १–१ गोलको बराबरी खेलेको छ ।
खेलको अन्तिममा मिनेटमा दिपक राज सिंह ठकुरी गोल गरेपछि खेल बराबरी भएको थियो । त्यसअघि धादिङको तर्फबाट उमेश राईले ५३औं मिनेटमा गोल गरेका थिए ।
खेलमा धादिङका अनिल तामाङ म्यान अफ द म्याचबाट पुरस्कृत भए ।
चैतको १५ गते सम्म चल्ने प्रतियोगिताको विजेताले १० लाख रुपैयाँ र उपविजेता टोलीले ५ लाख रुपैयाँ पाउने छन् ।
प्रतियोगितामा विद्यागत रुपमा फेयर प्ले र सर्वोत्कृष्ट खेलाडीले ५० हजार पाउने छन् ।
यस्तै उत्कृष्ट गोलकिपर, डिफेन्स, मिडफिल्डर, स्ट्राइकर, प्रशिक्षकले जनही २५ हजार पाउनेछन् ।
प्रसिडेन्ट लिगको शीर्ष चार टोलीले एन्फाले आयोजना गर्ने राष्ट्रिय लिग खेल्ने पाउनेछन् ।
-1753017726.jpeg)
