विरगंज युथ एकेडेमीको दोस्रो जित

काठमाडौं । विरगंज युथ एकेडेमीले सहिद स्मारक 'सी' डिभिजन लिग फुटबलमा लगातार दोस्रो जित निकालेको छ ।

एन्फा कम्प्लेक्स सातदोबाटोमा शनिबार महाबिर युथ क्लबलाई ३-० गोल अन्तरले पराजित गर्दै विरगंज युथ एकेडेमीले दोस्रो जित निकालेको हो ।

विरगंज युथ एकेडेमीलाई जित दिलाउन सिर्जन राज गौतम, लक्ष्मण चौधरी र कृष्ण शाक्यले एक एक गोल गरे ।

जितसँगै समूह 'ए' मा रहेको विरगंज युथ एकेडेमीले २ खेलमा ६ अंक जोडेको छ । पहिलो खेलमा विरगंज युथ एकेडेमीले झापा एफसीलाई हराएको थियो ।

महाबिरको यो लगातार दोस्रो हार हो । महाबिरले अंक जोड्न सकेको छैन ।

अर्को खेलमा विरगंज युनाईटेड क्लब र प्लानिङ बोइज युनाईटेडले गोलरहित बराबरी खेलेका छन् ।