एनएसएल अक्सन : पहिलो सेसनमा चार खेलाडी महँगा

गृहपृष्ठ
फुटबल

शुक्रबार, चैत ६, २०७७ खेलपाटी संवाददाता

काठमाडौं । नेपालमा पहिलो पटक आयोजना हुन लागेको फ्रेन्चाइज फुटबल प्रतियोगिता ‘नेपाल सुपर लिग’ को खेलाडी लिलामी (अक्सन) अहिले भईरहेको छ ।

आयोजक नेपाल स्पोर्टस म्यानेजमेन्टको आयोजनामा हुने लिगको अक्सन होटल सोल्टी क्राउन प्लाजामा भईरहेको छ ।

पहिलो सेसनको अक्सन सकिदा चार खेलाडी महँगो मूल्यमा बिक्री भएका छन् ।

गोलकिपर दीप कार्की, मिडफिल्डर तेज तामाङ, गोलकिपर विशाल सुनुवार र मिडफिल्डर सुनिल बल अधिकतम मूल्य २ लाखमा बिक्री भएका छन् ।

दीप पोखरा थन्डर्स, सुनिल विराटनगर सिटी फुटबल क्लबमा ,विशाल एफसी चितवन र तेज काठमाडौं रेजर्समा अनुबन्धित भएका हुन् ।

केहि नाम चलेका खेलाडी भने अनसोल्ड भएका छन् । राष्ट्रिय टिमका स्ट्राइकर जर्ज प्रिन्स कार्की, प्रिजेन तामाङ, कर्ण लिम्बु, दिपक राई अनसोल्ड भएका छन् ।

अक्सनमा कुल १ सय ५९ जना खेलाडीलाई समावेश गरिएको छ ।

पहिलो संकरणको लिगमा ७ फ्रेन्चाइज टिमको सहभागिता रहेको छ ।

लिगमा विराटनगर सिटी फुटबल क्लब, काठमाडौं रेजर्स फुटबल क्लब, ललितपुर सिटी फुटबल क्लब, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी रहेका छन् ।

त्रिपुरेश्वरस्थित दशरथ रंगशालामा आयोजना हुने लिग बैशाख ११ गतेदेखि २५ गतेसम्म सञ्चालन हुनेछ ।

अखिल नेपाल फुटबल संघ (एन्फा) को प्राविधिक सहयोगमा हुने लिग राउण्ड रोबिनको आधारमा हुनेछ । लिगमा कुल १९ खेल हुनेछ ।

पहिलो सेसनसम्म कुन टिममा कस्ता खेलाडी ?

विराटनगर सिटी फुटबल क्लब -

विशाल सुनुवार (२ लाख - लक्की ड्र )

अशोक थापा (५० हजार)

किशोर गिरि (६५ हजार)

बिक्रम धिमाल (७५ हजार- लक्की ड्र)

सरोज दाहाल (१ लाख)

सुनिल बल (२ लाख लक्की ड्र)

डिफेन्डर विजय धिमाल (१ लाख २० हजार-लक्की ड्र )

मिडफिल्डर सुरज जिउ ठकुरी (६० हजार)