वेस्ट इन्डिजलाई टेस्ट सिरिज

एजेन्सी । पाहुना टिम वेस्ट इन्डिजले बंगलादेशविरुद्धको दुई खेलको टेस्ट सिरिज जितेको छ ।

ढाकामा आइतबार दोस्रो टेस्टमा बंगलादेशलाई १७ रनले पराजित गर्दै वेस्ट इन्डिजले सिरिज २-० ले आफ्नो बनाएको हो ।

बंगलादेश भ्रमणमा रहेको वेस्ट इन्डिजले पहिलो टेस्टमा ३ विकेटको जित निकालेको थियो ।

वेस्ट इन्डिजले दिएको ३ सय ३१ रनको लक्ष्यसहित ब्याटिङ थालेको बंगलादेश दोस्रो इनिङ्समा २ सय १३ रन जोड्दा अलआउट भयो ।

बंगलादेशका लागि तमिम इकबालले सर्वाधिक ५० रनको अर्धशतकीय इनिङ्स खेले ।

यस्तै मेहदी हसन मिराजले ३१ रन जोड्दा कप्तान मोमिनुल हकले २६ रन बनाए ।

वेस्ट इन्डिजका राकिम कोर्नवालले ४ विकेट लिए ।