अष्ट्रेलियासँग खेल्ने न्युजिल्याण्डको टिम घोषणा

एजेन्सी । अष्ट्रेलियाविरुद्धको टी-ट्वान्टी सिरिजका लागि न्युजिल्याण्डले टिमको घोषणा गरेको छ ।

न्युजिल्याण्डले केन विलियम्सनको कप्तानीमा १३ सदस्सीय टिमको घोषणा गरेको हो ।

न्युजिल्याण्डले घोषणा गरेको टिममा एक खेलाडी पहिलो पटक परेका छन् ।

ब्याट्सम्यान फिन एलेन न्युजिल्याण्डको टिममा पहिलो पटक अटाएका छन् ।

तर, एलेनलाई मार्टिन गुप्टिलको स्थान लिन सक्ने खेलाडीको रुपमा टिममा राखिएको हो ।

फिटनेसको कारण गुप्टिलले अष्ट्रेलियासँगको खेल खेल्ने नखेल्ने अन्योलमा रहेको छ ।

न्युजिल्याण्डले घरेलु मैदानमा अष्ट्रेलियासँग ५ खेलको टी-ट्वान्टी सिरिज खेल्नेछ ।

दुई टिमबीचको सिरिज फेब्रुअरी २२ मा सुरु हुनेछ ।