शकिब न्युजिल्याण्ड भ्रमणमा नजाने

एजेन्सी । बंगलादेशका अलराउण्डर शकिब अल हसन न्युजिल्याण्ड भ्रमणमा नजाने भएका छन् ।

बंगलादेश क्रिकेट बोर्डले वेस्ट इन्डिजसँगको सिरिजपछि शकिबलाई छुट्टि दिने निर्णय गरेको छ ।

बोर्डले शकिबको आग्रहमा उनलाई छुट्टि दिने निर्णय गरिएको बताएको छ ।

'शकिब न्युजिल्याण्ड जाने छैनन् । उनले विदाको माग गरेका छन् र सम्भवत श्रीमतीसँग समय बिताउने छन् । बोर्डको अध्यक्षसँगको छलफलपछि हामीले उनलाई छुट्टि दिने निर्णय गरेका छौ,' बोर्डका क्रिकेट सञ्चालनका
प्रमुख अकरम खानले भेनका छन् ।

बंगलादेशले मार्चमा न्युजिल्याण्ड भ्रमण गर्दैछ ।

भ्रमण दौरान बंगलादेशले घरेलु टिमसँग ३ खेलको एकदिवसीय र टी-ट्वान्टी सिरिज खेल्नेछ ।

बंगलादेशले हाल घरेलु मैदानमा वेस्ट इन्डिजसँग टेस्ट सिरिज खेलिरहेको छ ।

दुई खेलको टेस्टमा बंगलादेश १-० ले पछि रहेको छ ।

यस्तै शकिबले दोस्रो टेस्ट खेलेका छैनन् ।

चोटको कारण शकिबले दोस्रो टेस्ट गुमाएका हुन् ।