रिजवानको शतकमा पाकिस्तान विजयी

एजेन्सी । घरेलु टिम पाकिस्तानले पहिलो टी-ट्वान्टी क्रिकेटमा दक्षिण अफ्रीकालाई पराजित गरेको छ ।

लाहोरमा बिहीबार राति भएको खेलमा पाकिस्तानले दक्षिण अफ्रीकालाई ३ रनले हराएको हो ।

पाकिस्तानले दिएको १ सय ७० रनको लक्ष्यसहित जवाफी ब्याटिङ गरेको दक्षिण अफ्रीकाले २० ओभरमा ६ विकेट गुमाएर १ सय ६६ रन मात्र बनाउन सक्यो ।

दक्षिण अफ्रीकाका लागि रिजा हेन्ड्रिक्सले ५४ रनको अर्धशतकीय इनिङ्स खेले । यस्तै जानिमान आलमले ४४ रन बनाए ।

पाकिस्तानका उस्मान र हरिस राउफले २/२ विकेट लिए ।

यस अघि पहिले ब्याटिङ गरेको पाकिस्तानले २० ओभरमा ६ विकेट गुमाएर १ सय ६९ रन बनाएको थियो ।

पाकिस्तानका लागि मोहमद रिजवानले अविजित रहदै १ सय ४ रनको शतकीय इनिङ्स खेले ।

रिजवानको यो पहिलो टी-ट्वान्टी शतक हो ।

यस्तै हेदर अलीले २१ रन जोड्दा हुसेन टलटले १५ रन बनाए ।

खुशदिल साहले १२ रन बनाउँदा कप्तान बाबर आजम सुन्य रनमा आउट भए ।

दक्षिण अफ्रीकाका एडिलेले २ विकेट लिए ।

यस जितसँगै पाकिस्तानले ३ खेलको टी-ट्वान्टी सिरिजमा १-० को अग्रता बनाएको छ ।

दुई टोलीबीचको दोस्रो खेल शनिबार हुनेछ ।