वेस्ट इन्डिजको सामान्य सुरुवात

एजेन्सी । बंगलादेशविरुद्धको दोस्रो टेस्टको पहिलो इनिङ्समा वेस्ट इन्डिजले सामान्य सुरुवात गरेको छ ।

ढाकामा बिहीबार पहिलो दिनको खेल सकिदा वेस्ट इन्डिजले ५ विकेट गुमाएर २ सय २३ रन बनाएको छ ।

वेस्ट इन्डिजका लागि एनकुर्माह बोनर ७४ रनमा अविजित रहेका छन् । जोसुवा डा सिल्भा २२ रनमा अविजित छन् ।

कप्तान क्रेग ब्रेथवेट ४७ रनमा आउट हुँदा जोन क्याम्पबेलले ३६ रन बनाए ।

जेर्मिने ब्लाकउड २८ रनमा आउट भए ।

बंगलादेशका अबु जायद र ताइजुल इस्लामले २/२ विकेट लिएका छन् ।

बंगलादेश भ्रमणमा रहेको वेस्ट इन्डिजले २ खेलको टेस्ट सिरिजमा १-० को अग्रता बनाएको छ ।

पहिलो टेस्टमा वेस्ट इन्डिजले ३ विकेटको जित निकालेको थियो ।