गोलपार्कको विजय सुरुवात

बुटवल । नेपाल टेलिकम रुपन्देही सुपर लिग क्रिकेट अन्तर्गतको 'बी' डिभिजनमा गोलपार्क क्रिकेट क्लबले विजयी सुरुवात गरेको छ ।

भैरहवाको सिदार्थ रंगशालामा बिहीबार भएको खेलमा गोलपार्कले बुटवल युथलाई ६६ रनले पराजित गर्यो ।

गोलपार्कले दिएको २ सय ८ रनको लक्ष्यसहित जवाफी ब्याटिङ गरेको बुटवल ३३ ओभर ३ बलमा अलआउट हुँदै १ सय ४१ रनमा समेटियो ।

बुटवलका लागि सुजन गौतमले ३१ रन जोड्दा सुमन थापा क्षेत्रीले २७ रन जोडे ।

गोलपार्कका दिवन पुनले ५ विकेट लिए ।

यस अघि पहिले ब्याटिङ गरेको गोलपार्कले ३९ ओभर ४ बलमा अलआउट हुँदै २ सय ७ रन बनाएको थियो ।

उसका रिक्की पुनले ४५ रन जोड्दा विनोद रनपालले ३३ रन बनाए ।

दिवन पुनले ३१ तथा हेमन्त ओलीले २८ रन बनाए ।

बुटवलका विनित पौडेलले ४ विकेट लिए ।

लिगमा १२ टिमको सहभागिता रहेको छ । सहभागी टोलीलाई चार समूहमा विभाजन गरिएको छ ।

विजेता टोलीले ए डिभिजन खेल्नेछ ।