भारत फलो अनबाट जोगियो

एजेन्सी । इंग्ल्यान्डविरुद्धको पहिलो टेस्टको पहिलो इनिङ्समा घरेलु टिम भारत ३ सय ३७ रन जोड्दा अलआउट भएको छ ।

चेन्नईमा टेस्टको चौंथो दिन सोमबार भारत ३ सय ३७ रनमा अलआउट भएको हो ।

भारत अलआउट भएपछि पहिलो इनिङ्समा इंग्ल्यान्डले २ सय ४१ रनको अग्रता बनाएको छ ।

तर, इंग्ल्यान्डले भारतलाई फलो अनमा पठाएको छैन । इंग्ल्यान्डले आफ्नो दोस्रो इनिङ्स थालेको छ ।

पहिलो इनिङ्समा भारतका ऋषव पन्तले ९१ रनको अर्धशतकीय इनिङ्स खेले ।

वासिङ्गटन सुन्दरले अविजित ८५ रन जोड्दा चेतेश्वर पुजाराले ७३ रन बनाए ।

रविचन्द्र आश्विन ३१ रनमा औअत हुँदा शुबमन गिल २९ रनमा आउट भए ।

कप्तान विराट कोहलीले ११ रन जोडे ।

इंग्ल्यान्डका डम बेसले ४ विकेट लिए । यस्तै जेम्स एण्डरसन, ज्याक लिच र जोफ्रा आर्चरले २/२ विकेट लिए ।

यस अघि पहिले ब्याटिङ गरेको इंग्ल्यान्डले पहिलो इनिङ्समा अलआउट हुँदै ५ सय ७८ रन बनाएको छ ।

इंग्ल्यान्डका लागि कप्तान जोय रुटले २ सय १८ रनको दोहोरो शतकीय इनिङ्स खेले ।

यससँगै रुटले १०० औं टेस्टमा दोहोरो शतक बनाउने पहिलो खेलाडीको कीर्तिमान बनाएका छन् । रुटको यो करियरको १०० औं टेस्ट हो ।

यस्तै डम सिब्लीले ८७ रन जोड्दा बेन स्टोक्सले ८२ रन बनाए ।

ओली पोपले ३४ तथा रोरी बर्न्सले ३३ र जोस बटलरले ३० रन बनाए ।

डम बेस ३४ रनमा आउट हुँदा ज्याक लिच १४ रनमा अविजित रहे ।

भारतका जस्प्रित बुम्राह र रविचन्द्र आश्विनले ३/३ विकेट लिए । यस्तै इशान्त शर्मा र साहबाज नदीमले २/२ विकेट लिए ।

इंग्ल्यान्डलाई अलआउट गर्दै पहिलो इनिङ्स थालेको भारतले खराब सुरुवात गरेको छ ।

भारतले लन्चसम्म ५९ रन जोड्दा २ विकेट गुमाईसकेको छ ।

भारत भ्रमणमा रहेको इंग्ल्यान्डले घरेलु टिमसँग ४ खेलको टेस्ट सिरिज खेल्नेछ ।

टेस्ट सिरिजपछि इंग्ल्यान्ड र भारतबीच पाँच खेलको टी-ट्वान्टी हुनेछ ।

यस्तै ३ खेलको एकदिवसीय सिरिज समेत हुनेछ ।