भारत ३ सय २१ रनले पछाडी

एजेन्सी । इंग्ल्यान्डविरुद्धको पहिलो टेस्टको पहिलो इनिङ्समा घरेलु टिम भारत ३ सय २१ रनले पछाडी परेको छ ।

चेन्नईमा तेस्रो दिनको खेल सकिदा आइतबार भारत ३ सय २१ रनले पछि परेको हो ।

इंग्ल्यान्डलाई ५ सय ७८ रनमा अलआउट गरेर पहिलो इनिङ्स थालेको भारतले ६ विकेट गुमाएर २ सय ५७ रन जोडेको छ ।

भारतका ऋषव पन्तले ९१ रनको अर्धशतकीय इनिङ्स खेल्दा चेतेश्वर पुजाराले ७३ रन बनाए ।

शुबमन गिल २९ रनमा आउट हुँदा कप्तान विराट कोहलीले ११ रनमा आउट भए ।

भारतका वासिङ्गटन सुन्दर ३३ रनमा अविजित रहेका छन् । रविचन्द्र आश्विन ८ रनमा अविजित छन् ।

इंग्ल्यान्डका डम बेसले ४ विकेट लिए । यस्तै जोफ्रा आर्चरले २ विकेट लिए ।

यस अघि पहिले ब्याटिङ गरेको इंग्ल्यान्डले अलआउट हुँदै ५ सय ७८ रन बनाएको छ ।

इंग्ल्यान्डका लागि कप्तान जोय रुटले २ सय १८ रनको दोहोरो शतकीय इनिङ्स खेले ।

यससँगै रुटले १०० औं टेस्टमा दोहोरो शतक बनाउने पहिलो खेलाडीको कीर्तिमान बनाएका छन् । रुटको यो करियरको १०० औं टेस्ट हो ।

यस्तै डम सिब्लीले ८७ रन जोड्दा बेन स्टोक्सले ८२ रन बनाए ।

ओली पोपले ३४ तथा रोरी बर्न्सले ३३ र जोस बटलरले ३० रन बनाए ।

डम बेस ३४ रनमा आउट हुँदा ज्याक लिच १४ रनमा अविजित रहे ।

भारतका जस्प्रित बुम्राह र रविचन्द्र आश्विनले ३/३ विकेट लिए । यस्तै इशान्त शर्मा र साहबाज नदीमले २/२ विकेट लिए ।

इंग्ल्यान्डलाई अलआउट गर्दै पहिलो इनिङ्स थालेको भारतले खराब सुरुवात गरेको छ ।

भारतले लन्चसम्म ५९ रन जोड्दा २ विकेट गुमाईसकेको छ ।

भारत भ्रमणमा रहेको इंग्ल्यान्डले घरेलु टिमसँग ४ खेलको टेस्ट सिरिज खेल्नेछ ।

टेस्ट सिरिजपछि इंग्ल्यान्ड र भारतबीच पाँच खेलको टी-ट्वान्टी हुनेछ ।

यस्तै ३ खेलको एकदिवसीय सिरिज समेत हुनेछ ।