वेस्ट इन्डिजविरुद्ध बंगलादेशलाई अग्रता

एजेन्सी । घरेलु टिम बंगलादेशले वेस्ट इन्डिजविरुद्धको पहिलो टेस्टको दोस्रो दिन बिहीबार ३ सय ५५ रनको अग्रता बनाएको छ ।

बंगलादेशलाई अलआउट गर्दै पहिलो इनिङ्स थालेको वेस्ट इन्डिजले दोस्रो दिनको खेल सकिदा २ विकेट गुमाएर ७५ रन बनाएको छ ।

वेस्ट इन्डिजका क्रेग ब्रेथवेट ४९ रन बनाएर खेलिरहेका छन् । उनलाई बोनरले १७ रन बनाएर साथ दिईरहेका छन् ।

बंगलादेशका मुस्ताफिजुर रहमानले २ विकेट लिए ।

यस अघि टस जितेर पहिले ब्याटिङ गरेको बंगलादेशले टेस्टको दोस्रो दिन अलआउट हुँदै ४ सय ३० रन बनाएको थियो ।

बंगलादेशका लागि मेहदी हसन मिराजले १ सय ३ रनको शतकीय इनिङ्स खेले ।

यस्तै शकिब अल हसनले ६८ तथा शादमान इस्लामले ५९ रनको अर्धशतकीय इनिङ्स खेले ।

मुस्फिकर रहमान र लिटोन दास समान ३८ रनमा आउट हुँदा कप्तान मोमिनुल हकले २६ रन बनाए ।

होसेन सान्टोले २५ रन बनाउँदा नायम हसनले २४ रन बनाए ।

वेस्ट इन्डिजका जोमेल वारिकनले ४ विकेट लिए । राकिम कोर्नवालले २ विकेट लिए ।