हसनको शतकमा बंगलादेश बलियो

एजेन्सी । घरेलु टिम बंगलादेशले वेस्ट इन्डिजविरुद्धको पहिलो टेस्टको पहिलो इनिङ्समा ४ सय ३० रन जोडेको छ ।

टस जितेर पहिले ब्याटिङ गरेको बंगलादेशले टेस्टको दोस्रो दिन बिहीबार अलआउट हुँदै ४ सय ३० रन बनाएको हो ।

बंगलादेशले पहिलो दिनको खेल सकिदा ५ विकेट गुमाएर २ सय ४२ रन बनाएको थियो ।

बंगलादेशका लागि मेहदी हसन मिराजले १ सय ३ रनको शतकीय इनिङ्स खेले ।

यस्तै शकिब अल हसनले ६८ तथा शादमान इस्लामले ५९ रनको अर्धशतकीय इनिङ्स खेले ।

मुस्फिकर रहमान र लिटोन दास समान ३८ रनमा आउट हुँदा कप्तान मोमिनुल हकले २६ रन बनाए ।

होसेन सान्टोले २५ रन बनाउँदा नायम हसनले २४ रन बनाए ।

वेस्ट इन्डिजका जोमेल वारिकनले ४ विकेट लिए । राकिम कोर्नवालले २ विकेट लिए ।