युनाईटेडका लिंगार्ड वेस्ट ह्याममा

एजेन्सी । म्यानचेस्टर युनाईटेडका मिडफिल्डर जेसे लिंगार्ड वेस्ट ह्याममा अनुबन्धित भएका छन् ।

लिंगार्डलाई युनाईटेडले लोनमा वेस्ट ह्याम पठाएको हो ।

यस सिजनको अन्तिमसम्मका लागि लिंगार्ड वेस्ट ह्याममा अनुबन्धित भएका हुन् ।

इंग्ल्यान्डका मिडफिल्डर लिंगार्डले यस सिजन युनाईटेडको प्लेईङ सेटमा स्थान बनाउन सकिरहेका थिएनन् ।

उनले यस सिजन मात्र ३ लिग खेल खेलेका थिए ।

लिंगार्डले युनाईटेडका लागि कुल २ सय १० खेलमा ३३ गोल गरेका छन् ।

वेस्ट ह्याममा अनुबन्धित भएपछि २८ वर्षीय लिंगार्डले जीवनको नयाँ अध्याय सुरु भएको बताए ।

'म निकै उत्साहित छु । यो मेरो जीवनको अर्को अध्याय हो,' उनले भनेका छन् ।

युनाईटेडका मुख्य प्रशिक्षक ओले गुनर सोल्सायारले लिंगार्ड परिपक्क भएर फर्कनेमा बिश्वस्त रहेको बताए ।