कोहली र बोल्ट शीर्ष स्थानमा यथावत
एजेन्सी । भारतीय क्रिकेट टिमका कप्तान विराट कोहली आईसीसीको एकदिवसीयको ब्याटिङ वरीयताको शीर्ष स्थानमा यथावत रहन सफल भएका छन् ।
अन्तर्राष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयतामा कोहली शीर्ष स्थानमा यथावत रहेका छन् ।
ब्याटिङ वरीयताको दोस्रो स्थानमा भारतकै रोहित शर्मा रहेका छन् ।
यस्तै पाकिस्तानका बाबर आजम तेस्रो, न्युजिल्यान्डका रोस टेलर चौंथो र अष्ट्रेलियाका आरोन फिन्च पाँचौं स्थानमा रहेका छन् ।
बलिङ वरीयतामा न्युजिल्यान्डका ट्रेन्ट बोल्ट शीर्ष स्थानमा यथावत रहेका छन् ।
अफगानिस्तानका मुजिब उर रहमान दोस्रो, भारतका जस्प्रित बुम्राह तेस्रो, बंगलादेशका मेहेदी हसन चौंथो र इंग्ल्यान्डका क्रिस वोक्स पाँचौं स्थानमा रहेका छन् ।
अलराउण्डरतर्फ बंगलादेशका शकिब अल हसन शीर्ष स्थानमा रहदा अफगानिस्तानका मोहमद नाभी दोस्रो स्थानमा रहेका छन् ।
इंग्ल्यान्डका क्रिस वोक्स तेस्रो, बेन स्टोक्स चौंथो र पाकिस्तानका इमाद वासिम पाँचौं स्थानमा रहेका छन् ।
